Diary 2006

30دسمبر2006

Diary 2006 — Maulana Wahiduddin Khan

Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.

Contents (479 chapters)

30دسمبر2006

اسمِ اعظم کے متعلق ایک روایت حدیث کی مختلف کتابوں میں آئی ہے ۔ مسند احمد کی دو روایتں اِ س طرح ہیں :

١_ عن أنس بن مالك أن النبي صلى اللّه عليه وسلم سمع رجلاً يقول :" اللهم إنى أسئلك أن لك الحمد لا إلـٰه إلا أنتَ وحدك لا شريك لك المنان بديع السمـٰوٰت والأرض ذا الجلال والإكرام . فقال النبي صلى اللّه عليه وسلم : لقد سألت اللّه بإسم اللّه الأعظم الذي إذا دُعى به أجاب وإذا سئل به أعطىٰ . ( جلد ٣ ، صفحه ١٢٠ ) ٢_ سمع النبي صلى اللّه عليه وسلم رجلاً يقول :" اللهم إني أسئلك بأني أشهد أنك أنت اللّه الذي لا إلـٰه إلا أنت الأحد الصمد الذي لم يلد ولم يولد ولم يكن له كفواً أحد . فقال : قد سألت اللّه بإسم اللّه الأعظم الذي إذا سئل به أعطىٰ وإذا دُعى به أجاب . ( جلد ٥ ، صفحه ٣٥٠ )

دونوں روایتوں میں اللہ کے ساتھ اور کئی صفاتی نام آئے ہیں ۔ اس سے یہ ثابت ہوتا ہے کہ اسمِ اعظم سے مراد کوئی ایک نام نہیں ہو سکتا۔ اگر اسمِ اعظم ایک نام ہوتا تو صحابی کی مذکورہ دعا میں بھی صرف ایک نام ہوتا ۔ جب کہ اِس دعا میں واضح طور پر کئی نام ہیں ۔ اِس واضح اشارے کے با وجود تعجب ہے کہ لوگ اسمِ اعظم کو خدا کا کوئی ایک نام سمجھتے رہے اور اُس ایک نام کی تلاش میں لگے رہے ۔ حقیقت یہ ہے کہ اسمِ اعظم سے مراد خدا کا کوئی ایک نام نہیں ہے ، بلکہ وہ خصوصی اسلوب میں خدا کو پکارنے کا نام ہے ۔ اسمِ اعظم سے مراد ، اسمِ اعظم نہیںہے بلکہ جذبہ اعظم ہے ۔ مذکورہ دعائیں صحابی نے کسی رٹے ہوئے دعائیہ لفظ کو استعمال نہیں کیا بلکہ جذبات کے وجود میں اس کی زبان سے کچھ خاص الفاظ نکل گئے ۔ اِ س کا نام اسم اعظم کے ساتھ خدا کو پکارنا ہے ۔ اسمِ اعظم کوئی خاص نام نہیں ۔ بلکہ وہ خا ص اسلوب ہے ۔ اسی کو ربّانی اسلوب کا نام اسمِ اعظم ہے ۔