Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.
صبر کی ضرورت p. 270
مغل حکمراں اور نگ زیب کو اپنے والد شاہ جہاں سے سیاسی اختلاف ہوا۔1658ء میں اس نے شاہ جہاں کو تخت سے بے دخل کر کے آگرہ کے قلعہ میں قید کر دیا۔ اسی حال میں شاہجہاں 1666ء میں74 سال کی عمر میں مرگیا۔ اسیری کے زمانہ میں اس کی بہن جہاں آراء بھی قلعہ میں اس کے ساتھ تھی۔ شاہ جہاں آگرہ کے قلعہ سے تاج محل کو دیکھا کرتا تھا اور اشعار پڑھتا رہتا تھا۔ p. 270
ڈاکٹر آر سی مجمدار ، ڈاکٹر ایچ سی رائے چودھری اور ڈاکٹر کالی کنکردتا نے اپنی مشترک کتاب تاریخ ہند (An Advanced History of India )میں شاہ جہاں کے آخری حالات کا ذکر کرتے ہوئے لکھا ہے کہ اس نے مذہب میں اپنی تسکین کا سامان پا لیا۔ اور صبر کا طریقہ اختیار کرتے ہوئے اپنے آخری ایام اپنی پارسا لڑکی جہاں آر اءکے ساتھ عبادت اور مراقبہ میں گزار دیے، یہاں تک کہ وہ مرگیا p. 271other source
He found solace in religion, and, in a spirit of resignation, passed his last days in prayer and meditation in the company of his pious daughter Jahanara, till his death (p. 477). p. 271
کہا جاتا ہے کہ ایک عرصہ کے بعد شاہ جہاں قید کی زندگی سے گھبرا اٹھا۔ اس نے اور نگ زیب کوایک مصرعہ لکھ کر بھیجا، جس کا مطلب یہ تھا کہ یا تو ہم کو مار ڈا لویا دام دو یا پھر ہم کو آزاد چھوڑ دو p. 271original + quote
یا بکش یا دام ده یا از قفس آزاد کن p. 271
اور نگ زیب نے بھی اس کے جواب میں ایک اور مصرعہ لکھ کر شاہ جہاں کے پاس بھیج دیا۔ جو یہ تھا کہ ہوشیار چڑیا جب جال میں پھنس جائے تو اس کو برداشت سے کام لینا چاہیے p. 271
مرغ زیرک چوں بدام افتد تحمل بایدش p. 272
ہو سکتا ہے کہ یہ واقعہ نہ ہو ، صرف ایک لطیفہ ہو۔ تاہم یہ بذات خود ایک حکمت کی بات ہے۔ بعض اوقات ایسا ہوتا ہے کہ آدمی کسی غلطی یا کسی حادثہ کی بناء پر ایک ایسی صورت حال میں پھنس جاتا ہے، جو اس کے لیے عام حالات میں بالکل نا قابل برداشت ہوتی ہے۔ مگر اب جہاں وہ پھنس گیا ہے، وہاں سے فوری طور پر نکلنا عملاً ممکن نہیں ہوتا۔ ایسی حالت میں گھبرا کر کوئی ا قدام کرنا سراسرنا دانی ہے ۔جال میں پھنسنے کے بعد چڑیا اگر پرپھڑ پھڑائے تو وہ اور زیادہ پھنستی چلی جاتی ہے، اسی طرح کسی نازک صورت حال میں پھنس جانے کے بعد آدمی اگر بے صبری کے ساتھ کارروائی کرے تو وہ اور زیادہ اس میں الجھ جائے گا۔ p. 272
حکمت کا یہ اصول افراد کے لیے بھی ہے اور قوموں کے لیے بھی۔ p. 272