Diary 2005

وددت أفی قدرأیتا اخواننا (المؤطا)

Diary 2005 — Maulana Wahiduddin Khan

Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.

Contents (273 chapters)

ان دونوں روایتوں کو ملا کر دیکھا جائے تو اس کا یہ مفہوم سامنے آتا ہے کہ ختم نبوت کے بعد کے زمانے میں بھی ایسے افراد پیدا ہوں گے جو پیغمبر کے مانند ہوں گے۔ پہلی روایت میں آپ نے پچھلے پیغمبروں کو اپنا سوتیلابھائی کہا اور بعد کے زمانے کے افراد کو آپ نے اپنا بھائی (اخواننا) فرمایا۔

پیغمبر کا بھائی ہونے سے کیا مرادہے۔ اس کا مطلب یہ ہے کہ ختم نبوت کے بعد بھی امت میں ایسے افراد پیدا ہوں گے جو خدا کی خصوصی توفیق ہے پیغمبر والی معرفت کا ادراک کریں گے۔ ایک ہے درجۂ نبوت، اور دوسرا ہے معرفت نبوت۔ ختم نبوت کے بعد کوئی شخص نبوت کا درجہ حاصل نہیں کرسکتا، لیکن نبوت والی معرفت بعد کے دور میں بھی کسی کو مل سکتی ہے۔

قرآن میں آیا ہے کہ: علّم أدم الأ سماء کلّہا (البقرہ:31)یعنی خدا نے آدم کو تمام چیزوں کے نام سکھادئے۔ یہ علم اشیاء انسان کی سب سے بڑی صفت ہے۔ موجودہ زمانے میں سائنسی مطالعے سے یہ معلوم ہواہے انسان کے دماغ میں ایک سو ملیں بلین پارٹکل ہیں۔ یہ پارٹکل کیا ہیں۔ یہ سینڈ پارٹکلSand particalنہیں ہیں بلکہ وہ انفارمیشن پارٹکل ہیں۔ کمپیوٹر میں ریت کے ذرے بھرےجائیں تو ایسا کمپیوٹر بے فائدہ ہوگا۔ موجودہ کمپیوٹر کامیاب اس لیے ہے کہ اس میں انفارمیشن بھری جاتی ہیں۔ کمپیوٹر انہیں انفارمیشن کو پراسس کرکے ہمارے سامنے لاتا ہے۔ مثلاً کمپیوٹر میں یہ انفارمیشن ڈالی ہوئی ہے کہ واشنگٹن امریکہ کی راجدھانی ہے اور پیرس فرانس کی راجدھانی ہے۔ جب ہم کمپیوٹر سے پوچھتے ہیں تو وہ ہمیں فوراً اس کے بارے میں بتادیتا ہے۔ لیکن اگر یہ انفارمیشن پہلے سے کمپیوٹر کے اندر موجود نہ ہو تو وہ کچھ نہیں بتا سکے گا۔ اس طرح انسان کے دماغ میں ہر قسم کی تمام معلومات بھری ہوئی ہیں۔ اور یہ معلومات انفارمیشن پارٹکل پر مرتسم ہیں۔

سائنس دانوں نے جو ڈس کوری کی ہے وہ دراصل انسانی دماغ کی اَن فولڈنگUnfoldingہے۔ یہ دراصل ڈسکوری یا ایجاد نہیں ہے۔ بلکہ برین کے انفارمیشن پارٹکل میں فیڈھ کی ہوئی معلومات کو اندر سے نکال کر باہر لاتا ہے۔

قرآن کی سورہ النمل کی آخری آیت یہ ہے:

قل الحمد للہ الذی سیریکم انہ فتحرفونہا (کہو! کہ حمد صرف اللہ کے لیے ہے۔ وہ تم کو اپنی نشانیاں دکھائے گا۔ پھر تم ان کو پہچان لوگے)اس آیت میں آیات سے مراد دلائل ہیں۔ قرآن کی دوسری آیت (حم السجدہ53)کی روشنی میں دیکھا جائے تو اس کا مطلب ہے آیات کائنات۔ دونوں آیتوں پر غور کرنے سے سمجھ میں آتا ہے کہ ان میں مستقبل میں پیش آنے والے سائنسی دورکی پیشین گوئی ہے۔ اس کا مطلب یہ ہے کہ ایک دور آئے گا جب کہ انسان آیات کائنات کے ذریعہ خدا کی معرفت حاصل کرسکے گا۔ معرفت خداوندی، اصل ذریعہ قرآن ہے۔ اور سائنسی تحقیقی کے ذریعہ دریافت ہونے والی آیات کائنات، اس معرفت میں وسیلے کی حیثیت رکھتی ہیں۔ گویا کہ معرفت کے دو دور ہیں۔ پہلے دور میں معرفت بذریعہ قرآن اور دوسرے دور میں قرآن کے ساتھ معرفت بذریعہ آیات کائنات یا دلائل کائنات۔

کائنات میں نشانیاں پہلے سے موجود تھیں مگر سائنس نے ان نشانیوں کو قابل رویت بنادیا۔ سائنس دور سے پہلے آدمی ان نشانیوں کو دیکھنے کے قابل نہیں بنا تھا:

Signs wer4e there, but in pre-scientific era, man was not able to see these signs.