Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.
حفاظتي ڈھال p. 247
قرآن ميں فرمايا گياهےوَجَعَلْنَا السَّمَاءَ سَقْفًا مَحْفُوظًا ( 21:32) ۔ یعنی، اور هم نےآسمان كو ايك محفوظ چھت بنايا۔ اس سے معلوم هوتاهے كه آسمان(بالائي فضا) كو الله تعالیٰ نے اپني رحمت وقدرت سے اس طرح بنايا هے كه وه انسان كے ليے ضرر رساں چيزوں سے حفاظت كا ذريعه بن جائے۔ اس نظام خداوندي كے بے شمار پهلو هيں۔ تاهم اس كا ايك جزء غالباً وه فضائي گيس هے، جس كو اوزون (ozone) كهاجاتاهے۔ p. 247original + quote
سورج هماري زمين سے نوكرور تيس لاكھ ميل دور هے۔ وه اتنا بڑا هے كه اگر اس كے مادے کو تقسيم كياجائے تواس سے هماري زمين جيسے باره لاكھ كُرے بن جائيں گے۔ يه سورج همارے ليے روشني اور حرارت كا ذريعه هے۔ اس سلسلے ميں اس كا موجوده فاصله بے حداهم هے، اگر زمين سے سورج كا فاصله موجوده فاصلے سے كم هوتا هے تو اس سے آنے والي روشني اور حرارت اتني شديد هوتي كه زمين پر كسي ذي حيات كے ليے زنده رهنا هي ناممكن هوجائے۔ p. 247
سورج كي جو شعاعيں (rays)زمين پر آتي هيں ان ميں بعض نهايت مضر اجزا هوتے هيں۔ مثلاً ان آفتابي شعاعوں (sun rays) كا ايك جزء وه هے، جس كو الٹراوائلٹ شعاعيں (ultraviolet rays) كهاجاتاهے۔ يه شعاعيں ذي حيات مخلوق كے ليے سخت مضر هيں۔ ان سے طرح طرح كي بيمارياں پيداهوتي هيں، اور ان كي زيادتي انسان اورحيوان كو هلاك كرنے كا باعث بن جاتي هے۔ p. 248
الٹراوائلٹ شعاعيں مسلسل سورج سے نكل كر زمين كي طرف آرهي هيں۔ اس كے باوجود انسان اورحيوان كيوں زمين پر زنده هيں، اس كي وجه يه هے كه زمين كے اوپر كئي سو ميل كي جو فضا (atmosphere) هے۔ اس كي مختلف تهوں ميں سے ايك ته وه هے، جو اوزون گيس پر مشتمل هے۔ p. 248
يه اوزون ايك قسم كي آكسيجن گيس هے۔اس كے مخصوص ماليكولر ڈھانچے كي وجه سے اس ميں يه صفت پيدا هوگئي هے كه وه اوپر سے آنے والي الٹراوائلٹ شعاعوں كو جذب كرلے اور ان كو زمين كي سطح تك پهنچنے نه دے۔ سائنسي تحقيق كے مطابق، يهي اوزون گيس كي ته هے جو انسان كو الٹراوائلٹ شعاعوں كے مضر اثرات سے بچائے هوئے هے۔ p. 248
قرآن كا بيان هے كه الله تعالیٰ نے زمين كےاوپر بالائي فضا ميں ايك محفوظ چھت قائم كي۔ بالائي فضا (atmosphere) كے بارے ميں موجوده زمانے ميں جو سائنسي تحقيقات هوئي هيں، وه قرآن كے اس بيان كے حق ميں ايك علمي تائيد كي حيثيت ركھتي هيں۔ يه تحقيقات بتاتي هيں كه فضا كے اوپر اوزون گيس كي ايك موٹي تهه هے، جو كرهٔ ارض كے چاروں طرف پھيلي هوئي هے۔ يه فضائي چھتري انسان كے ليے ايك حفاظتي ڈھال كا كام كررهي هے۔ اس حفاظتي ڈھال كے بغير انسان كے ليے يه ممكن هي نه هوتا كه وه زمين كے اوپر آباد هو اور يهاں تمدن كي تعميركرے۔ p. 248original + quote
تحقيقات سے معلوم هوا هے كه بالائي فضا ميں 20 كيلوميٹر اور 50 كيلوميٹر كي بلندي كے درميان موجود گيسوں ميں قدرتي طورپر ايك رد عمل هوتا هے۔ اس كے نتيجے ميں بننے والے نئے قسم كے ماليكيول سے ايك گيس تيار هوتي هے، جس كو اوزون كهاجاتا هے۔ يه اوزون زمين كے چاروں طرف فضا ميں پھيلي هوئي هے۔ وه الٹراوائلٹ شعاعوں كو جذب كر ليتي هے، اور اس طرح وه زمين كے اوپر زندگي كے ليے ايك اهم حفاظتي ڈھال كا كام كرتی هے p. 249
In the region between about 20 and 50 kilometers the. monatomic oxygen reacts with 02 to form ozone (03). The resulting worldwide layer of ozone, although its relative concentration is less than 1/10,000, is sufficient to absorb ultraviolet radiation and thereby serve as a vital protective shield for life on earth. (Encyclopedia Britannica, Vol. 2, pp. 322-23) p. 249other source
موجوده زمانے ميں صنعتي تمدن نے انسان كے ليے نئے مسائل پيدا كيے هيں۔ ان ميں ايك خطرناك مسئله يه هے كه جديد صنعتوں كے پيدا كرده بعض گيسوں كي وجه سے اوزون كي تهه كو شديد نقصان پهنچ رهاهے۔ اب يه خطره پيدا هوگياهے كه فضا كي اوزون ميں رخنه پڑنے سے، كم از كم جزئي طورپر، الٹراوائلٹ شعاعوں كو زمين تك پهنچنے كا راسته مل جائے اور پھر انسان كے ليے طرح طرح كے ناقابلِ حل مسائل پيدا هوجائيں۔ p. 249
موجوده زمانے ميں اس پر باقاعده ريسرچ كي جاري هے ،اور اس سلسلے ميں كافي لٹريچر شائع كيا گيا هے۔ ٹائم ميگزين (17 فروري 1992)نے اس مسئلے كو اپني كور اسٹوري بنايا هے۔ اس كا عنوان هے— ختم هوتي هوئي اوزون، خطره قريب آرهاهے p. 249
Vanishing Ozone: the Danger Comes Closer. p. 250
زندگي كے ليے يه ضروري گيس جس كي بربادي كا مسئله پيدا هوگيا هے، وه آكسيجن كي ايك قسم هے جس كے ماليكول ميں تين ايٹم هوتے هيں ،جب كه عام آكسيجن كے ماليكيول ميںدو ايٹم هوتے هيں۔ ڈھانچے ميں اس ساده تبديلي نے اوزون ميں يه صلاحيت پيدا كردي هے كه وه الٹراوائلٹ شعاعوں كو جذب كرسكے p. 250
The vital gas being destroyed is a form of oxygen in which the molecules have three instead of the normal two. The simple structure enables ozone to obsorb ultraviolet radiation. (p. 41) p. 250
سائنسي نقطهٔ نظر سے ماليكول كے ايٹمي ڈھانچے ميں يه تبديلي هي وه سبب هے، جس كي بناپر اوزون اس صفت كي حامل گيس بن گئي هے كه وه سورج سے آنے والي مضر گيس كو اپنے اندر جذب كرلے اور اس كو زمين كي سطح تك پهنچنے نه دے۔ چنانچه كها جاتا هے كه بالائي فضا ميں اوزون كي يه گيسي چادر هم كو مسلسل طورپر الٹراوائلٹ شعاعوں كے مهلك اثرات سے بچائےهوئے هے۔ p. 250
مگر كوئي عقلي يا سائنسي دليل يه ثابت كرنے كے ليے موجود نهيں كه ايٹم كي تعداد ميں تبديلي بذاتِ خود اپنے اندر اس قسم كي انوكھي اور مفيد صلاحيت ركھتي هے۔ حقيقت يه هے كه انسان كو اس آسماني آگ سے بچانے والا خدا هے۔ ظاهري طورپر مذكوره تبديلي اس ليے پيدا كي گئي تاكه آدمي اس كو ديكھ كر ٹھٹكے۔ وه اس ظاهري واقعے كو ديكھ كر اندروني حقيقت تك پهنچ سكے۔ p. 250
ايك طرف فطرت كے نظام ميںاوزون گيس كا هونا، دوسري طرف جديد صنعتي نظام كے تحت اوزون گيس كي تباهي، يه دونوں واقعات بے حد سبق آموز هيں، اوران ميں سوچنے والوں كے ليے عظيم نشاني پائي جاتي هے۔ بالائي فضا ميں اوزون گيس كي موٹي تهہ كا پايا جانا ظاهر كرتا هے كه جس هستي نےدنياكا نظام بنايا، اس كو پيشگي طورپر يه معلوم تھاكه زمين پر بسنے والے انسانوں كي كيا ضرورتيں هوں گي۔ اس نے تجربے سے پهلے يه جانا كه سورج كي شعاعوں ميں افاديت كے ساتھ نقصان كے پهلو بھي موجود هيں۔ اس نے افاديت كے پهلو كو مستحكم كيا اور نقصان والے پهلو سے بچاؤ كا انتظام كرديا تاكه انسان جب زمين پر بسے تووه سورج كي نقصان ده شعاعوں سے محفوظ رهے، سورج كي صرف مفيد شعاعيں انسانوں تك پهنچ سكيں۔ p. 251
اب دوسرے رخ كو ديكھیے، جو بيسويں صدي كے نصف آخر ميں همارے سامنے آيا هے۔ انسان نے ساٹھ سال پهلے وه چيز دريافت كي جس كو ايركنڈيشننگ كها جاتا هے۔ اس دريافت نے انسان كو غير معمولي طورپر راحت كا سامان ديا۔ ايركنڈيشنڈ مكان اور دفاتر اور مختلف بلڈنگيں ماڈرن زندگي كا لازمي حصه هيں۔ جب يه صنعت دريافت هوئي تو وه خير هي خير نظر آتي تھي، مگر جديد تحقيقات نے بتايا كه اس خير ميں شر بھي چھپا هوا هے۔ p. 251
موجوده ايركنڈيشننگ كا سسٹم سي ايف سي پر مبني سسٹم (CFC-based system)هے۔ سي ايف سي ٹكنالوجي آج انسان كے ليے زبردست خطره بن گئي هے۔ سي ايف سي سے مراد كلورو فلور كاربن (chlorofluorocarbons) هے۔ يه ايك كيمیكل هے جواير كنڈيشننگ كے سامانوں كي تياري ميں استعمال كيا جاتا هے۔ اس كيميكل كو تيار كرنے كے ليے جو كارخانے بنائے گئے هيں، وه اس كي تياري كے دوران ايك ضمني پيداوار (by-product) تيار كرتےهيں، جس كو سي آئي او يا كلورين مونوآكسائڈ (chlorine monoxide) كهاجاتا هے۔ يهي سي آئي او كا ماده هے، جو دراصل اوزون كي ته كو نقصان پهنچا رها هے۔ حتیٰ كه اس نے بالائي فضا ميں ايك بڑا سوراخ پيدا كرديا هے، جس سے سورج كي مذكوره مضر شعاعيں زمين پر آنا شروع هوگئي هيں۔ p. 251
اب امريكا وغيره ميں بهت بڑے پيمانے پر ريسرچ هورهي هے۔ تاكه كوئي ايسا متبادل ماده دريافت كيا جائے جس كے ذريعے مذكوره مضر كيميكل پيدا كيے بغير اير كنڈيشننگ كے سامان بنائے جاسكيں۔ اب يهاں دونمونے هيں۔ ايك، فطرت (nature) كا نمونہ۔ دوسرا، انساني صنعت كا نمونہ۔ فطرت كا نمونه بتاتا هےكه اس ميں پيشگي طورپر يه انتظام موجود تھا كه سورج كي مضر شعاعيں زمين كي سطح تك نه پهنچيں۔ تاكه انسان محفوظ طورپر زمين پر آباد هوسكے۔ دوسري طرف صنعتي دوركے صنعت كاروں كو پيشگي طورپر يه معلوم نه هوسكا كه ایر كنڈيشننگ كي صنعت فطرت كے قيمتي توازن كو توڑ دے گي، اور انسان كے ليے سخت ناموافق صورتِ حال پيداهوجائے گي۔ p. 251
يه صورتِ حال اس بات كا ثبوت هے كه كائنات كي تخليق اوراس كي منصوبه بندي كے پيچھے ايك بالا تر خدائي ذهن كي كارفرمائي هے۔ اگر يهاں ايسے ذهن كي كارفرمائي نه هوتي تو فطرت كے نظام ميں بھي بار بار اسي قسم كے خلا اور نقائص ظاهر هوتے جو انساني صنعت ميں ظاهر هورهے هيں۔ p. 252
يهي وه حقيقت هے جس كي طرف قرآن ميں اس طرح اشاره كيا گياهے بڑا بابركت هے وه جس كے هاتھ ميں بادشاهي هے اور وه هر چيز پر قادر هے۔ جس نے موت اور زندگي كو پيدا كيا تاكه تم كو جانچے كه تم ميں سے كون اچھا كام كرتاهے۔ اوروه زبردست هے، بخشنے والا هے۔ جس نے بنائے سات آسمان اوپر تلے۔ تم رحمن كے بنانے ميں كوئي خلل نهيں ديكھو گے۔ پھر نگاه ناكام تھك كر تمھاري طرف واپس آجائے گي ( 67:1-4)۔ p. 252original + quote