Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.
نمبر 24: ماں اور باپ کے حقوق۔ قرآن میں ارشاد ہوا ہے: "اور ہم نے انسان کو اس کے ماں باپ کے معاملے میں تاکید کی"۔ اس کی ماں نے دکھ پر دکھ اٹھا کر اس کو پیٹ میں رکھا، اور 2 برس میں اس کا دودھ چھڑانا ہوا۔ کہ تو میرا شکر کر اور اپنے والدین کا۔
میری ہی طرف لوٹ کر آنا ہے۔ اور اگر وہ دونوں تجھ پر زور ڈالیں کہ تو میرے ساتھ ایسی چیز کو شریک ٹھہرائے جو تجھ کو معلوم نہیں، تو ان کی بات نہ ماننا۔ اور دنیا میں ان کے ساتھ نیک برتاؤ کرنا۔ اور تم اس شخص کے راستے کی پیروی کرنا جس نے میری طرف رجوع کیا ہے۔
پھر تم سب کو میرے پاس آنا ہے۔ پھر میں تم کو بتا دوں گا جو کچھ تم کرتے رہے۔ لقمان 14:15۔ قرآن میں جو تعلیمات آئی ہیں، ان میں خدا کے حق کے بعد سب سے زیادہ حق ماں اور باپ کا بتایا گیا ہے۔
حدیث کے مطابق ماں کا حق باپ سے بھی زیادہ ہے۔ اس کا سبب یہ ہے کہ حق دراصل احسان کا اعتراف ہے۔ خدا کا احسان عورت اور مرد کے اوپر سب سے زیادہ ہے، اس لیے خدا کے حقوق بھی سب سے زیادہ ہیں۔ اس کے بعد کسی آدمی کے اوپر اس کے ماں باپ کا احسان ہوتا ہے، جو اس کو بالکل بچپن سے پالتے ہیں۔
احسان کا اعتراف بلاشبہ سب سے بڑی نیکی یعنی ورچو ہے۔ اس نیکی کا اظہار سب سے پہلے خدا کے اوپر ہوتا ہے، اور اس کے بعد ماں باپ کے اوپر۔ تاہم انسان کو چاہیے کہ وہ دو چیزوں کے درمیان فرق کرے: ایک ہے ماں اور باپ کی خدمت کرنا، اور دوسری چیز ہے ماں اور باپ کے حکم کی اطاعت کرنا۔ اسلام کی تعلیم کے مطابق ماں اور باپ کی خدمت تو مطلق قسم کا اخلاقی فرض ہے۔
مگر جہاں تک اطاعت کا تعلق ہے تو اطاعت صرف درست کام میں کی جائے گی، غلط کام میں ان کی اطاعت نہیں کی جائے گی۔ کتاب: عورت معمار انسانیت، مولانا وحید الدین خان، صفحہ نمبر 41۔