Diary 2011

17دسمبر2011

Diary 2011 — Maulana Wahiduddin Khan

Badges mark quoted or attributed material (Qur'an, hadith, another author, an opposing view). Unbadged passages are Maulana Wahiduddin Khan's own words.

Contents (474 chapters)

17دسمبر2011

مسلم مقررین اور محروین کا ایک پسندیدہ موضوع یہ ہے کہ اسلام ایک کامل اور مکمل ضابطہ حیات ہے۔ اس موضوع پر میں نے بہت سی تحریریں پڑھیں، لیکن ان تحریروں سے یہ واضح نہیں ہوتا کہ کامل اور مکمل ضابطہ حیات کا مطلب کیا ہوتا ہے۔ حقیقت یہ ہے کہ اس قسم کا بیان صرف اپنے قومی فخر کا اظہار ہے۔ اس سے زیادہ اس کی کوئی حیثیت نہیں۔

اسلام بلاشبہ ایک کامل دین ہے، مگر وہ ضوابط اور قوانین کے معنی میں نہیں، بلکہ وہ اپنے انطباق (Application)کے معنی میں ہے۔ صحیح یہ بات ہے کہ ایک فرد پر جب اسلام کی حقیقت واضح ہوتی ہے اور وہ اسلام کو اپنے دین کی حیثیت سے اختیار کرتا ہے تو یہ اس کے لیے ایک فیصلہ حیات کے ہم معنی ہوتا ہے۔ اس کا مطلب یہ ہوتا ہے کہ وہ شخص اپنی ذات کو پورے معنی میں خدا کے دین کا تابع بنائے گا۔ اس کی سوچ خدارخی سوچ ہوگی، اس کی گفتگو خدارخی گفتگو ہوگی، اس کا سلوک خدارخی سلوک ہوگا، اس کی ڈیلنگ خدارخی ڈیلنگ ہوگی، اس کے تعلقات خدارخی بنیاد پر قائم ہوں گے، اس کی سرگرمیاں خدارخی سرگرمیاں ہوں گی۔ یہ وہی بات ہے جس کو قرآن میں ان الفاظ میں بیان کیا گیا ہے۔ صبغۃ الہ وقن احسن من الہ حبفتہ یعنی ایک فرد کی زندگی کی پوری طرح اترکے رنگ میں رنگ بنانا۔ حقیقت یہ ہے کہ اسلام کا کامل و مکمل دین ہونا فرد کی نسبت سے ہے، نہ کہ اجتماعیات یا سیاسات کی نسبت سے۔ ایک فرد جو اپنے آپ کو مسلم بتائے، اس کے لیے اسلام کا حکم یہ ہے کہ وہ اپنی زندگی کے کس پہلو ہسگوشد کو اسلام سے مستثنیٰ نہ سمجھے۔ اس کی زندگی کے ہر گوشے میں اسلام کا اظہار ہونے لگے۔ گویا کہ اسلام کے کامل اور مکمل ہونے کا مطلب احکام وضوابط کی فہرست کی نسبت سے نہیں ہے۔ بلکہ فرد کی زندگی میں اس کے اظہار کی نسبت سے ہے۔